0:000:00
你宜家出咗嚟 喺士丹利街 <br>背向陆羽茶室 前边係正邦大厦<br>我哋转左 上山<br>个男仔行我右边 同我一齐行<br>我闻到一阵好特别嘅麝香味同埋芒果香味<br>係佢嘅香水 我永远都唔会忘记<br>眼前所见嘅街道 最旧嘅唔超过一百六十年<br>佢话我知 佢阿爷以前係卖鸦片嘅<br>士丹利街大部分嘅 都係鸦片批发商<br>佢哋间铺头 一楼係办公室 商人都住喺二楼<br>香港嘅经济神话 就喺鸦片嘅浓烟中展开<br>其实 香港本来就係指芳香嘅港口<br>宜家停一停<br>我哋嚟到砵甸乍街<br>佢喺香港係最古老嘅街道<br>见唔见到嗰个车紧衫嘅男人<br>佢係我朋友周先生<br>周先生係1947年嚟到香港嘅难民<br>佢喺砵典乍街 做裁缝已经50年喇<br>嗰部衣车都陪咗佢35年<br>依家转左 沿住砵甸乍街<br>向上行 小心楼梯<br>啲鹅蛋石好跣 慢慢行<br>裁缝同卖假发嘅小贩嚟到呢度之前<br>呢度经常会有脚链嘅声音<br>当时要起砵典乍街 係为咗连接警局同埋前面嘅监狱<br>睇下 就喺嗰边<br>呢啲建筑物依家已经荒废咗<br>政府想拆嗮佢哋<br>但係就惹嚟极大嘅反对声音<br>我哋嚟到街口<br>眼前係威灵顿街<br>等阵 睇下右边<br>呢度曾经係红灯区 夜之女混集之地<br>当时香港有好多水手 商人同埋探险家<br>宜家转右 行入威灵顿街<br>嗰个男仔话俾我听 佢阿爷嘅拍档係美国人<br>爱上咗一个同佢身份唔配嘅21岁妓女<br>间妓院搦嗮佢啲钱作为惩罚 <br>佢嘅爱另佢踏上破产之路<br>最后 佢就喺嗰个妓女张床度自杀死咗<br>我冇出声<br>我唔钟意悲惨嘅古仔<br>个女仔后嚟点样 根本冇人关心佢嘅命运<br>我哋沿住威灵顿街落山<br>留心睇下 揾下门牌71-73号<br>抬头望 有一个雕花嘅红木牌 揾到未？<br>入边有一排铁邮箱<br>揾唔揾到71-73号啊？<br>入咗去没？上楼梯啊<br>嗰个男仔行先 我跟住佢<br>佢好静 我净係听到我嘅脚步声<br>突然之间 我感觉到佢嘅体温<br>令到我觉得好紧张<br>继续上楼梯<br>依家面前有道橙色同黑色嘅门<br>行入去啊 欢迎<br>依家我哋入咗去<br>转左 穿过木拱门<br>入去一间铺咗白色瓷砖嘅大房<br>停一停先 睇下前边 天花挂住把旧式嘅电风扇 喺度慢慢咁转<br...