0:000:00
Introduction<br><br>去陆羽茶室等我啊<br>地址係中环士丹利街24-26号<br>我会喺嗰边等你<br>你一定要坐喺地下嗰层<br>喺右边揾张台<br>有镜同木凳嗰种卡位<br>坐喺嗰幅水墨画下面<br><br>Luk Yu Tea House<br><br>到咗未 行啦<br>我等紧你 唔该 帮我叫杯龙井茶<br>我係Helen 我会带你周围行下<br>迷失喺我嘅神秘花园入边<br>你有冇发现周围都係镜啊<br>伙计行过嗰阵 好似照哈哈镜咁<br>用伙计俾你嘅白毛巾抹下面 抹下手<br>跟住就开始饮茶喇<br>你杯茶嚟咗未啊<br>你睇下坐喺角落头嗰个王太 风韵犹存<br>佢以前曾经係粤曲名伶<br>你细心点睇下 话唔定 会见到佢偷偷哋俾贴士俾啲老伙计<br>点解？ 因为王太嘅老公瞒住佢包二奶<br>夜晚就会同二奶嚟呢度 个伙计就会同王太通风报信<br>董生有冇嚟啊 係唔係坐喺嗰张彩色玻璃下面<br>睇紧报纸啊？<br>自从佢退休 将生意交俾个仔之后<br>佢就日日都嚟 报纸成为佢同商业世界之间最好嘅桥梁<br>你睇下 呢度有好多古仔<br>但係 只有呢度嘅人先至会知道<br>我嘅故事 发生喺几年前<br>当时 我就係坐喺你宜家嗰个位<br>见到张台对面块镜出现咗一个男仔嘅身影<br>佢坐低喺我后边嘅位<br>我肯定佢睇唔到我之后<br>就偷偷咁望住佢<br>啊 闭喇 佢发现咗我添<br>我块面红嗮<br>好快咁望去第度<br>当我望返转头嗰阵<br>佢企起身 走埋嚟<br>就喺我对面坐低咗<br>我手足无措 想即刻行开<br>但係就好似旧石咁呆着喺度<br>佢话 我估你一定系外国人喇<br>我不识反应<br>佢又话 你好似荡失路喔 使唔使帮手啊？<br>我？喺香港荡失路？点会啊<br>佢话：我曾晚发梦梦到你 我喺梦入边见到你嘅颈背就好似宜家喺镜入边见到嘅一样<br>我望住佢身后嗰块镜 打量下自己 我嘅颈背<br>佢话： 你条颈好靓<br>然后问：你宜家忙唔忙？有冇时间？我可唔可以带你去一个地方？<br>我冲口而出就答咗：可以<br>佢举手想埋单 苍白嘅手指好似蝴蝶嘅翼咁 摇下摇下<br>嚟 我哋都埋单<br>依家就行喇 我喺出边等你