0:000:00
我哋嚟到德辅道嘅路口 喺呢度停低<br>左边嘅红砖建筑物係西港城<br>前边就係香港电车站<br>我哋会坐电车 车费净係几蚊啫<br>要小心右边有车<br>过咗两个安全岛<br>行去等紧你嘅电车度<br>我哋依家行过安全岛喇<br>一个 两个 上车 但唔好畀钱住<br>落车先畀钱<br>喺电车嘅前门上车 然后行上右边嘅楼梯<br>搵个前排嘅位 冇错 就系嗰个 坐定<br>佢话 留低 冇坐呢班车吖<br>佢把声有啲绝望 我心都碎埋<br>我喺手袋攞出纸笔 递畀佢<br>佢呆一呆 一面黯然<br>然后 哎 咗一声<br>好快咁写咗个号码<br>点解我会咁依恋呢个净係识咗一个钟头嘅人呢<br>我对佢一无所知 点解会发生呢啲事<br>我好开心 好肯定咁讲 今晚八点半<br>我会喺茶室同一个位等你<br>依家我要走喇 byebye<br>电车开车喇 佢把声喺我脑入边缠绕不散<br>留低 跟我嚟<br>我拧转头望住个车站 佢已经唔见咗<br>我望向德辅道 睇下见唔见到佢<br>街上嘅路人唔多 但佢已经消失咗<br>我将个窗拉低 由得风 吹住我块面<br>佢去咗边呢<br>路人 街道 高楼大厦<br>喺我身边轻轻咁流走<br>嗰晚我去到茶室<br>决定咗要话畀佢听我嘅身份 仲要问埋佢嘅名<br>但係佢唔喺度<br>我喺手袋入边攞出佢写住个电话号码 嗰张纸条<br>好奇怪 号码已经冇咗色 睇唔清楚<br>我一路等 等到茶室闩门 佢都冇出现<br>从此 每一次我返到香港 如果有时间<br>又觉得好寂寞 就会沿住佢带我行过嘅路<br>再行一次<br>喺一间道教嘅纪念堂入边<br>相入边嘅细佬仔对拜祭佢嘅人凄然咁笑<br>佢同嗰个男仔真係好似吖<br>佢嘅名就叫做八十八<br>依家 到你去探险喇<br>去搵你嘅挚爱 想坐几耐就坐几耐<br>觉得啱 就落车<br>可能我哋会再见<br>送首歌畀你 byebye<br><br>假使参拜远方的祭坛<br>信我会在圣像的脚下<br>假使观看远山的晚霞<br>云是我<br>数数几个建筑的架棚<br>信我会在永恒的塌下<br>数数几对褪色的步鞋<br>泥是我<br>我信你爱着我<br>天边海角也肯找我吧 找我吧<br>我信你碰着我<br>就在日和夜之间<br>怀疑途上那人是我<br>可惜匆匆经已走过<br>怀疑途上那儿是我<br>可惜通通错荡<br>...