待你差只想你怕 剧场版 上

今年日本嘅天气特别暖 樱花亦都开得特别灿烂<br>我记得你讲过 樱花瓣飘落嚟嘅速度 係每秒钟五厘米<br>你觉得好浪漫 好想同我去日本睇一次樱花<br>我闹你无聊 所以一直都冇同你去<br>所有人都好羡慕我 可以有一个好似你咁锡我嘅男朋友<br>无论我对你点过分 呢两年嚟 你都冇对我发过脾气<br>事实上 喺你身上 我真係稳唔到任何缺点<br>我之所以对你咁差<br>其实 係想你离开我 减低我嘅内疚<br><br>有日放工 同朋友去饮嘢<br>你打嚟 仲话等紧我返嚟<br>提前同我庆祝拍拖两周年纪念<br>我听完 只係讲咗句“得啦” 就收咗线<br>果晚返到屋企<br>餐台上面 除咗两碟冻晒嘅牛扒之外<br>仲有一个蓝色嘅礼物盒<br>里面 有一个指南针钥匙扣<br>同埋 一封信