0:000:00
喺呢度 个男仔从后边挨埋嚟<br>佢嘅呼吸轻轻抚过我嘅颈背 我感觉到佢心入边嘅渴望<br>我做咩 我唔知啊<br>呢种感觉维持咗几耐 我记唔到喇<br>宜家面向花园 见唔见到花园右边有一条小路<br>我哋会行嗰条小路 行上右边嘅嗰几格楼梯<br>依家沿住左面墙幅画离开 花园就喺左手边<br>佢又话：今日嘅你好静 但係喺梦入边 你同我讲咗好多嘢 仲笑添<br>我块面即刻红嗮<br>佢话： 你好开心 <br>你同我一齐我真係好开心<br>喺左前方 你见唔见到啲老人家玩紧纸牌啊<br>停低 落楼梯 揾张凳坐低<br>佢哋会望住你 记得要笑 唔使怕丑嘅<br>佢哋每日都喺度玩十五胡<br>当然 都想碰下运气 睇下赢唔赢到钱喽<br>呢啲老人家都係香港现代历史活生生嘅回忆<br>佢哋追唔上瞬息万变嘅高科技社会 于是退咗落嚟<br>无怨无悔咁喺度安安静静咁聚埋一齐 度过晚年<br>依家抬起头 睇下四周围嘅高楼大厦<br>第二次世界大战之后 只有5%嘅屋可以住人<br>你身边嘅摩天大厦仲未出现之前 好多玩纸牌嘅老人家都喺附近自己起啲寮屋嚟住<br>无几远 有间 club seventeen one 係夜晚消遣嘅好地方<br>去揾joles 佢会招呼你嘅<br>嚟 继续行<br>依家企起身 转身向之前嘅方向行出去<br>花园喺你嘅右手边 穿过前面嘅巷仔<br>一直向前行 跟唔跟到啊？<br>我哋经过左边一间叫song嘅餐厅 右边係儿童游乐场<br>依家我哋嚟到鸭巴甸街<br>过马路 然后向右 沿住鸭巴甸街行落去<br>以前呢条街将左边嘅唐人区同右边嘅英国人区分开<br>喺英国人未嚟之前<br>呢度係一座好斜嘅荒山 后嚟成为画家同家私工匠聚集嘅地方<br>今日则开咗好多新潮嘅店铺<br>一直行落山<br>依家呢一带叫做noho 意思係荷李活道嘅北面<br>留意啊 我哋会转左入歌赋街 前边有一座建筑物<br>嗰度係街坊福利会 依家转左就係歌赋街<br>视乎你点睇喇<br>呢条街可以係旧工业区 亦可以係新嘅概念区<br>佢每日都係度变紧