0:000:00
前邊左方就係文武廟喇<br>喺英國人嚟到香港之前 佢就已經係呢度嘅喇<br>喺呢度停低吖 跟唔跟到阿？<br>文武廟嘅入口就喺你正前方<br>依家我哋入廟喇 穿過嗰道閘入去<br>依家入廟 你要適應啲煙<br>入咗去未吖？轉右 然後一直靠右行<br>喺左邊你會見到掛著一圈圈嘅香 可以點成個月噶<br>我哋可以寫低自己嘅願望同埋名 然後將啲纸掛喺下邊<br>依家留意喺右邊有個男人坐喺個柜臺後面<br>行埋去 你會見到裝著幾百只竹籤嘅木桶<br>幫我攞個喇 唔使驚 攞喇 唔使錢嘅 攞咗未吖？好<br>再行入啲 嚟到第一座嘅祭壇前邊<br>呢座廟 供奉咗兩位神明<br>一位代表誠實 一位代表正直 文昌帝同埋關帝<br>啲人會用茶 酒 橙 同埋蘋果作為祭品<br>每當有大事要神明相助 就會帶隻豬或者雞嚟<br>但係我哋只要神明幫個小忙<br>喺祭壇前邊有個紅色跪垫 跪低<br>跪喺神明面前 默念你好想問嘅問題<br>你仲未有答案嘅問題<br>谂到未吖？<br>依家一下一下咁搖個簽筒<br>好快就會有啲竹籤突出來<br>但係你要確保只有一支會跌喺你面前喔<br>俾啲耐性 佢會跌出嚟嘅<br>哎呀 跌出嚟了 执起支竹籤 睇下上邊嘅號碼 記實<br>依家行去出口 但唔好離開前院喔<br>我喺前院 你跟唔跟到我吖？<br>轉左 一直行 直到你嚟到一道綠色閘嘅前边<br>經過香爐 繼續行<br>道閘會帶你去廟祝度 入去喇<br>左邊有兩位廟祝<br>近門口嗰個係識講中文 另外一個就識得講英文<br>俾廿蚊港紙 你就可以问佢問題<br>但係要知道答案 佢就要知道你竹簽嘅號碼<br>如果你有嘢想問廟祝 就揿暫停 我會喺度等你<br>揿暫停就得噶了<br>問完未吖？得到想要嘅答案未吖？行得未？<br>我哋行喇 返去荷裡活道<br>我同嗰個男仔嚟到呢度嗰陣<br>求到嘅籤 係88號<br>我嘅問題係 點解我會遇到呢個男仔？<br>我哋嚟到荷裡活道同埋樓梯街嘅交界<br>依家行過荷裡活道<br>小心左邊有車喔