0:000:00
自从上次北京旅游返嚟之后<br>唔知点解自己有个冲动去学国语<br>连我死党阿may都觉得我返嚟之后<br>D唔咸唔淡嘅国语好咗好多<br>我唔知系咪希望有一日……<br>真係傻喇<br>初初我哋以为分开之后<br>大家可以忘记对方<br>所以都冇交换到联络地址同埋电话<br>其实真係呃人嘅潇洒<br>唔知佢台湾个边做紧D乜野？<br>有冇谂起我呢？<br><br>有次同埋班朋友去烧野食<br>睇倒碳炉里面D烟同火<br>唔知点解流咗眼泪出嚟<br>阿MAY问我係咪比D烟烟亲只眼<br>我同佢讲话烟因火而生，但当烟火烧到最红最后，烟就会飘走，火就会熄灭<br>阿MAY 唔明我讲D乜野，不过佢就话我个番说话同张报纸嘅寻人广告一样<br>我即刻摞起张报纸嚟睇<br>上面写住：<br>烟火虽然暂时熄灭，但係只要一天一天等下去，烟火总有一天重燃<br><br>报纸上面仲留咗个香港地址同电话号码添<br>阿MAY问我做咩无烟仲喺度喊？而睇倒张报纸又会咁开心嘅？<br>我话因为我要去打电话，而接电话嘅佢竟然讲起D唔咸唔淡嘅广东话