0:000:00
前边有一条好斜嘅楼梯 行落去 慢慢行<br>庙祝抬起头 用奇怪嘅眼光望住我 佢问："边个啊？"<br>我答佢："我个朋友啊 就喺我身后边几步啫嘛"<br>"你朋友？喺边度啊？"<br>我话："嗰度咯！嗰个男仔咯！"<br>个庙祝望住我 好似好奇怪咁<br>"你朋友走咗啦 我答唔到你嘅问题 小姐 咁係无结果嘎 忘记佢啦"<br>依家你会见到一个路牌 写住摩罗上街 转左到咗摩罗上街<br>我话："香港有好多鬼嘎 或者我见到嘅都係鬼"<br>佢仍然都係笑住 但係我好似见到佢嘅眼 有泪光<br>佢话："人死后 有啲会变成鬼 佢地喺凡间游荡 唔可以安息"<br>一直向前行 跟唔跟到啊？<br>呢度係古董市场 又叫做猫街市场<br>你可以喺呢度搵到好多唔同嘅旧货 古董 成人公仔 相 同埋明信片<br>混杂喺毛泽东海报 手表 人像 红书仔 毛语录<br>同其他共产党嘅艺术品之中<br>毛主席宜家係中国超红嘅潮流人物<br>继续搵嘅话 你会见到上海嘅成人艺术品 钱币 珠仔 玉器 颈链 小饰物同埋旧电话<br>抬头望下 右边有一条由石头同云石铺成嘅楼梯<br>通去Cat Street Galleries 入口上边有个红色招牌<br>喺呢度停低 就喺电灯柱隔离<br>左边係李小龙嘅功夫海报 同埋共产党嘅旧海报<br>再望落啲 仲有好多寄失咗嘅情信<br>呢啲信 永远都冇办法送到情人嘅手上边<br>只可以原封不动咁 放喺度 等啲陌生人将佢带走<br>宜家转身喺你嘅左边 灯柱下 楼梯前边<br>有一个细细嘅手提箱 放满咗无人要嘅相<br>我拎起啲相 逐一咁睇<br>我同个男仔讲："真係奇怪喇 你知唔知啊 你就喺嗰个庙祝前边 但係佢居然见你唔到喔"<br>佢问："乜真係咁重要咩？"<br>我话："咁又係嘅 可能根本唔重要 反正总有一日 我哋都净係会留低啲相"<br>见唔见到有条楼梯仔通去下边条巷啊 沿住嗰条楼梯行落去<br>喺呢度停低 左边有一间古董铺<br>行入去 穿过铺头<br>小心啲喔 有时候啲货可能会跌咗落嚟<br>如果店主冯先生喺度嘅话 咁就同佢打声招呼喇<br>继续穿过间铺头 行到铺头嘅另一边 出去<br>向右转 然后 落楼梯<br>