0:000:00
喺柜台 你会见到啲伙计喺你面前执药 闻唔闻到啊<br>龟板 蛤蚧 燕窝同埋催情嘅鹿尾巴<br>仲有听闻会帮助女性怀孕嘅鹿茸<br>有冇睇到佢哋用传统嘅手称来称药咧？<br>喺啲铺头入边 你会见到个医生坐喺木台后面<br>嗰个男仔嘅爸爸以前都坐喺度 帮人睇病<br>佢哋会用手指㧺住你嘅手腕把脉<br>仲会叫你擘大口伸条脷出嚟<br>佢同我讲 佢阿爸话可以由条脷睇出你嘅身体状况<br>喺呢度 只要你一直饮佢哋嘅药 就冇病医唔好<br>柜台对出条街放咗张台 摆满一杯杯嘅凉茶<br>台上边有三种凉茶係可以拣嘅<br>第一种係五花茶 係一种黄色嘅清茶 甜甜哋 主治伤风同埋喉咙痛<br>黑色嘅係廿四味 增强免疫力<br>参茶係气味好浓嘅黄色茶 对失眠嘅人特别有效<br>净係五蚊 不妨试一杯阿<br>揿个暂停制 我会等你<br>饮完凉茶未啊？ 依家行出药铺<br>我哋企喺摆咗凉茶台嘅入口<br>背住药铺 你喺士丹利街 转左 行过阁麟街 沿住士丹利街落山<br>条扶手电梯就喺我哋嘅头顶上边 依家你行到去 香港中环最后一个街市 <br>你身边嘅係依家所剩无几嘅熟食档 大排档<br>政府想拆咗呢啲大排档 但係我哋都好钟意呢度<br>前左方有一间以银色同埋玻璃为主嘅餐厅<br>转左 行上吉士笠街呢条巷<br>一直行 穿过大排档啲台<br>下次你嚟 一定要试下呢度嘅汤 面 云吞同埋牛腩 <br>仲有无论係煎炒煮炸都係咁好食嘅鱼同埋菜<br>依家我哋喺吉士笠街同威灵顿街嘅交界<br>右转入威灵顿街<br>睇下左边嘅楼同埋地铺 都係用木头同埋钢条支撑住<br>喺呢度停一停 差唔多一百年喇<br>呢度一啲都冇变 都係卖紧传统嘅食品<br>睇下笼入边嘅雀仔几得意 佢系唯一嘅非卖品<br>你依家嚟到威灵顿街同埋嘉咸街嘅交界<br>转左 上嘉咸街<br>我哋依家就嚟睇下色彩缤纷 繁华嘅香港<br>嗰个男仔喺呢度送咗揸花畀我 黄色同埋红色嘅花<br>几百年嚟 广东人为咗唔同嘅节日 季节 习俗 同埋口味 创造咗数之不尽嘅食物<br>你闻唔闻到唔同嘅味道 甜 酸 咸 苦 臭 仲有辣<br>你会发现 所有嘅档主都係老人家<br>好多喺呢度已经摆档摆咗三十年喇 因为政府决定咗封咗个街市<br>档主就唔续个小贩牌<br>亦都因为係咁 佢哋嘅子女都唔可以继承家族嘅生意<br>眼前嘅一切 都会喺记忆中消失<br>我哋...